Screenshot_67-4Femijet3

Zvarriteshin në tokë, derisa shqiptarët i erdhën në ndihmë! Shikojini sesi janë sot vëllezërit Idrizi

“Asnjë ditë nuk fillon pa u mërzit, pa qarë. Është një vuajtje që s’ka fund”

Këto ishin fjalët e Lirie Idrizit, nënës së 4 fëmijëve nga Sukthi. Tre prej fëmijëve të Liries, ishin të prekur nga paraliza.

Lotët dhe thirrja e saj për ndihmë prekën mijëra shqiptarë. E brenda një kohe fare të shkurtër, fatura financiare për të operuar tre djemtë e saj u arrit. Gëzimi, Arlindi dhe Adi u nisën në Kosovë për të kryer ndërhyrjet dhe gjithçka shkoi mirë.

Tashmë kanë kaluar disa kohë nga ndërhyrjet dhe vëllezërit kanë nisur të kryejnë terapitë e nevojshme për të qëndruar në këmbë. Rrugëtimi drejt shërimit të plotë është i gjatë, ama këto foto të mbushin zemrën, kur kujton se për vite me radhë vëllezërit zvarriteshin në tokë për të ecur, ndërsa sot po punojnë për të qëndruar në këmbë.

Kliko këtu për të ndjekur historinë e 3 vëllezerve

Screenshot_72-2deani

Mbi 43 mijë lutje për shërimin e tij… si është sot Deani, 9 vjeçari që çoi peshë zemrat e shqiptarëve

“Shumë e gëzuar isha. Sepse Deani lindi një fëmijë shumë i shëndetshëm dhe të gjithë më thonin se nuk ka mundësi që ai të ketë lindur i sëmurë. As unë vetë nuk e besoja e thoja mbase gënjejnë dhe mjekët… Por e vërteta ishte krejt ndryshe.

Për mua si nënë është shumë e dhimbshme. Deani më shumë njeh spitalin, sesa shtëpinë e tij. 10 ditë në shtëpi, dy apo tre muaj këtu. Si kemi bërë as 1 vit në shtëpi. Nuk ka shijuar asnjëherë fëmijërinë, më thotë nuk luaj dot, unë jam i sëmurë”

Këto ishin fjalët e Evës për emisionin Shqiptarët për Shqiptarët, një nënë që përballej me dhimbjen më të madhe. Trupi i djalit të saj 9 vjeçar kishte përballuar 20 ndërhyrje. Sërish, jeta e tij po shuhej.

Vogëlushi kishte nevojë urgjente për një transplant të veshkës e rindërtimin e plotë te fshikëzës, orvatje që familja nuk mund t’i përballonte.

Por lotët e kësaj nëne, nuk ishin vetëm të sajat. Dhjetëra mijëra shqiptarë po ashtu derdhën lot për 9 vjeçarin, një gonxhe trëndafili, siç do të thoshte gjyshja e Deanit.

Reagimi i shqiptarëve ishte i jashtëzakonshëm. Në kohë rekord, vogëlushi u nis drejt një prej spitaleve më të mira italiane për fëmijë. E teksa emisioni lajmëroi për largimin e tij për kurim, mbi 40 mijë persona, u lutën për shërimin e tij.

Tashmë kanë kaluar disa muaj dhe duket e pabesueshme. Deani mund të buzëqeshë si të gjithë fëmijët e tjerë. Është plotësisht i shëruar dhe në gjendje shumë të mirë shëndetësore… e kur e sheh tani Deanin, një buzëqeshje ta ‘gjen’ fytyrën.

 

Screenshot_73-2-768x392Fatmira

Nënë Fatmira shpërthen në lot! Çifti i të moshuarve lë kasollen dhe shkon tek mrekullia e shqiptarëve

Nënë Fatmira i tregon Elvisit e Fatmës kushtet e rënda me të cilat përballet çifti i të moshuarve që kërkoi ndihmën e shqiptarëve. Një banesë që më shumë i ngjan një kasolleje të shkatërruar e të pushtuar nga myku.

Elvisi i thotë nënë Jetmirës se tashmë ka ardhur koha që të largohen për një vend më të mirë. I tregon se një shqiptar i SHBA-ve kur e ka parë rastin është prekur shumë dhe ka vendosur të kontribuojë për të moshuarit.

Elvisi e Fatma ndihmojnë xhaxha Ilmiun që të ngrihet në këmbë për t’u nisur drejt mrekullisë, drejt një vendi ku ai mund të qëndrojë i qetë.

Derën e shtëpisë të tyre të re e hap Ilmiu, ndërsa e shoqja Fatmira nuk i mban dot më lotët.

306FF5A8-2D5C-4716-8F3D-DDF1F6092ECA

Pas 10 vitesh dhimbje! Elvisi i bën surprizën, Jonida: Operacioni doli me sukses, sot kam ditëlindjen

Pas më shumë se një dekade vuajtje, ajo do mund t’i thotë lamtumirë dhimbjeve.

Dhimbje që e kishin bërë të mendonte më të keqen, e madje t’i lutej Perëndisë që ta merrte nga kjo botë.

Por thirrja e saj për ndihmë u dëgjua. Fill pas operacionit për skoliozën, gjendja shëndetësore e Jonidës është e mirë. Mjekët njoftuan se gjithçka ka shkuar siç duhet dhe se tashmë trupi i Jonidës nuk do të provojë më dhimbjet e skoliozës.

Në sytë e nënës, Dallëndyshes, gjen lotë gëzimi. Me të dalë nga operimi, disa fjalë zemre i ka dhe xhaxhai i Jonidës, i cili është kujdesur gjithë jetën për mbesën e tij.

Daja: Jemi marrë kaq vite për ta shëruar vajzën. Shyqyr që erdhi kjo ditë që edhe goca jonë të shërohet. Operacioni doli me sukses sipas doktorit. Ne e shikojmë mirë vajzën. Dje doktori ishte i gëzuar, e çoi vetë vajzën. Ka dy ditë qe e çon në këmbë dhe e nxjerr në korridor. Jemi shumë të gëzuar, shumë të kënaqur. Falenderoj të gjithë kombin shqiptar. Të gjithë ata që ndihmuan e të gjithë ata që nuk patën mundësi të ndihmojnë. Falenderoj të gjithë stafin tuaj e të gjithë shqiptarët.

Jonida: Jam e lumtur që operacioni doli me sukses. Sot u gëzova shumë se pas vizitës, skolioza është korrigjuar. Sot kam edhe ditëlindjen e mora lajmin më të mirë, që do të shërohem.

E ashtu siç tregon vetë, Jonida kishte ditëlindjen. Elvisi e Fatma shkuan ta vizitojnë 33 vjeçaren, dhe i bënë një surprizë të bukur.

Ndiqeni klipin e plote

95321BA9-5593-41E4-8B9B-677094555EF1

“Besoje ose jo, sot do të ikim në një shtëpi të re” Shqiptarët i ndryshojnë jetën 4 jetimëve

“Lutem t’mos vdes rrugëve me kalamajtë”

Këto janë fjalët e një gruaje, nënë e 4 fëmijëve të mitur, të cilët po rriten pa baba dhe në kushte tepër të rënda ekonomike.

Historia e Marjanës dhe fëmijëve është një rrëfim i dhimbshëm ngado që të rrotullohesh. Marjana jeton në Bathore e vetme me jetimët. I shoqi i ka vdekur dy vite më parë, ndërsa tashmë, shqetësimi ditor i kësaj gruaje është ushqimi për të vegjlit.

Ajo punon sigurisht, por të ardhurat janë aq të pakta, saqë qiraja e shtëpisë merr shumicën e parave. Nga rroga i mbeten vetëm 20 mijë lekë dhe me një ndihmë ekonomike fare të vogël, Marjana mundohet të ushqejë 4 fëmijë me rreth 70 mijë lekë në muaj.

Thirrja e saj iu drejtua shqiptarëve dhe emisionit “Shqiptarët për Shqiptarët”. Një lutje për ndihmë, jo për veten, por 4 fëmijë të vegjël.

Thirrjes së Marjanës dhe lotëve të fëmijëve, iu përgjigj Elvis Naçi. Së bashku me Fatmën, Elvisi shkoi të takojë Marjanën dhe fëmijët, për të parë se në çfarë kushtesh jetonin.

Marjana : Pagesën e kam 120 mijë lekë të vjetra, qiraja është 100 mijë lekë. Një shtrat ma ka falur komshia, se ngushtë ishim. Edhe televizorin.

Elvisi: Sot edhe një fëmijë me pas është e vështirë, jo më 4 fëmijë.

Fatma: Pra ty të teprojnë rreth 15 euro në muaj?

Marjana: Po çfarë të bëjmë, me pak para e shtyjmë. Këto janë punët e Zotit. Fëmija rrijnë vetëm, se unë duhet të shkoj në punë. Vajza shkon në kopësht dhe kur mbaron e marrin vajza

Elvisi: Marjana do të them diçka që më çudit. Ti e the vetë, shtëpia është diçka e jashtëzakonshme, njeriu punon të gjithë jetën dhe mund të mos e ketë. Familja juaj shikohet me prioritet për shkak të fatkeqësisë që ju ka ndodhur.  Marjana, çuditërisht, kur nisëm këtë emision dhe u bashkua me shqiptarët, një gjë shumë e vështirë si shtëpia, për të gjithë ne në mënyrë graduale, shtëpia u bë e lehtë. Ti ndaç besoje ose jo, ne sot do të ikim në shtëpi të re.

Marjana nuk e beson ende. Elvisi, Fatma, nëna e jetimët nisen të gjithë së bashku. Derën e hap Marjana dhe sheh se çfarë kanë bërë shqiptarët për të dhe jetimët e saj.

Ndiqni klipin e plote ketu

D8126125-3E20-4647-A3A2-91F43E5FAFD3

Lorenci niset në Itali për të mundur tumorin në kokë, momente përlotëse kur përqafohet me babanë

Përpara nisjes drejt Italisë, Lorenci shkon për një vizitë mjekësore.

Pas rrugëtimit të gjatë për në Tiranë, 9 vjeçari shkon në Spitalin Continental, ku i nënshtrohet një vizite për të parë gjendjen e tij të përgjithshme shëndetësore. Sipas mjekëve, djali është në gjendje të qëndrueshme për të mundur të udhëtojë drejt Italisë, atje ku e pret sprova e madhe, operimi që do ta shpëtojë nga tumori në kokë.

Pas një dite qëndrim në Continental, tashmë ka ardhur momenti i nisjes drejt Italisë. Në sytë e Lorencit gjen një mirazh qetësie. 9 vjeçari është në krahët e nënës së tij, por me siguri mendjen e tij e mundon e ardhmja e afërt. A do të dalë mirë? A do të mund të shpëtojë nga ky fat që për 5 vite ia ka mbështjellë jetën me mërzi, trishtim, lotë…

Në aeroport e pret babai. Ai do të qëndrojë në vend pasi i duhet të kujdeset për vajzat e gjithë të tjerat. Lorenci do të shkojë me të ëmën drejt Italisë dhe do duhet të ndahet me të atin. Me siguri një eksperiencë sërish e dhimbshme, pavarësisht se me dhimbjet Lorenci lufton prej 5 vitesh.

“Sot djali niset për në Itali. Është një ditë e veçanë për neve. Përshëndesim e falenderojmë të gjithë shqiptarët, që na ndihmuan, na e bënë ditën të lumtur. Zoti ua shpërbleftë të gjithëve, sepse për ne kjo është një jetë e dytë. Unë kam shumë shpresa që djali do të shërohet.

85A58C42-A8A4-48EF-84FC-566816EE31C1

Ana niset për kurim drejt Italisë !

Ana , vajza e vogel e cila u prezantua si rast te premten ne emisionin “Shqiptarët për Shqiptarët ” eshte nisur drejt Italise per tu kuruar .
Postimi i plote i Elvis Naçit ne Facebook :

-Lajm i Gezueshem. Ana u nis jasht shtetit per te bere operacionin e tumorit ne koke. Zoti ju shperblefte bamires. Kush shpeton nje jete, ka shpetuar gjithe njerzimin!

0F802BF8-F48F-4F60-BD31-925D20186DCF

Elvis Naçi viziton 3 vëllezërit e paralizuar dhe i jep lajmin e shumëpritur!

Elvis Naçi së bashku me stafin e Fondacionit Firdeus ka vizituar shtëpine e 3 vëllezërve të paralizuar . Gjendja e tyre siç shikohet edhe nga pamjet është shumë e rënduar pasi fëmijët nuk mund të bëjnë asgjë përveç se të zvarriten . Mjeket e Spitalit i kanë dhënë shpresë të 3 vëllezërve se mund të kurohen ndaj dhe Elvis Naçi shkoi që ti japë lajmin e madh !

Postimi i plotë i Elvis Naçit në Facebook :

-Nje lajm i mrekullueshem qe heret ne mengjes, sapo percollem 3 femijet e paralizuar te Familjes idrizi per ne Spital ku shpresojme do te sherohen, Zoti i shperblefte bamiresit dhe sa me shume lutje qe Femijet te sherohen. Amin, Amin, Amin.

Ndiq klipin e plotë