306FF5A8-2D5C-4716-8F3D-DDF1F6092ECA

Pas 10 vitesh dhimbje! Elvisi i bën surprizën, Jonida: Operacioni doli me sukses, sot kam ditëlindjen

Pas më shumë se një dekade vuajtje, ajo do mund t’i thotë lamtumirë dhimbjeve.

Dhimbje që e kishin bërë të mendonte më të keqen, e madje t’i lutej Perëndisë që ta merrte nga kjo botë.

Por thirrja e saj për ndihmë u dëgjua. Fill pas operacionit për skoliozën, gjendja shëndetësore e Jonidës është e mirë. Mjekët njoftuan se gjithçka ka shkuar siç duhet dhe se tashmë trupi i Jonidës nuk do të provojë më dhimbjet e skoliozës.

Në sytë e nënës, Dallëndyshes, gjen lotë gëzimi. Me të dalë nga operimi, disa fjalë zemre i ka dhe xhaxhai i Jonidës, i cili është kujdesur gjithë jetën për mbesën e tij.

Daja: Jemi marrë kaq vite për ta shëruar vajzën. Shyqyr që erdhi kjo ditë që edhe goca jonë të shërohet. Operacioni doli me sukses sipas doktorit. Ne e shikojmë mirë vajzën. Dje doktori ishte i gëzuar, e çoi vetë vajzën. Ka dy ditë qe e çon në këmbë dhe e nxjerr në korridor. Jemi shumë të gëzuar, shumë të kënaqur. Falenderoj të gjithë kombin shqiptar. Të gjithë ata që ndihmuan e të gjithë ata që nuk patën mundësi të ndihmojnë. Falenderoj të gjithë stafin tuaj e të gjithë shqiptarët.

Jonida: Jam e lumtur që operacioni doli me sukses. Sot u gëzova shumë se pas vizitës, skolioza është korrigjuar. Sot kam edhe ditëlindjen e mora lajmin më të mirë, që do të shërohem.

E ashtu siç tregon vetë, Jonida kishte ditëlindjen. Elvisi e Fatma shkuan ta vizitojnë 33 vjeçaren, dhe i bënë një surprizë të bukur.

Ndiqeni klipin e plote

95321BA9-5593-41E4-8B9B-677094555EF1

“Besoje ose jo, sot do të ikim në një shtëpi të re” Shqiptarët i ndryshojnë jetën 4 jetimëve

“Lutem t’mos vdes rrugëve me kalamajtë”

Këto janë fjalët e një gruaje, nënë e 4 fëmijëve të mitur, të cilët po rriten pa baba dhe në kushte tepër të rënda ekonomike.

Historia e Marjanës dhe fëmijëve është një rrëfim i dhimbshëm ngado që të rrotullohesh. Marjana jeton në Bathore e vetme me jetimët. I shoqi i ka vdekur dy vite më parë, ndërsa tashmë, shqetësimi ditor i kësaj gruaje është ushqimi për të vegjlit.

Ajo punon sigurisht, por të ardhurat janë aq të pakta, saqë qiraja e shtëpisë merr shumicën e parave. Nga rroga i mbeten vetëm 20 mijë lekë dhe me një ndihmë ekonomike fare të vogël, Marjana mundohet të ushqejë 4 fëmijë me rreth 70 mijë lekë në muaj.

Thirrja e saj iu drejtua shqiptarëve dhe emisionit “Shqiptarët për Shqiptarët”. Një lutje për ndihmë, jo për veten, por 4 fëmijë të vegjël.

Thirrjes së Marjanës dhe lotëve të fëmijëve, iu përgjigj Elvis Naçi. Së bashku me Fatmën, Elvisi shkoi të takojë Marjanën dhe fëmijët, për të parë se në çfarë kushtesh jetonin.

Marjana : Pagesën e kam 120 mijë lekë të vjetra, qiraja është 100 mijë lekë. Një shtrat ma ka falur komshia, se ngushtë ishim. Edhe televizorin.

Elvisi: Sot edhe një fëmijë me pas është e vështirë, jo më 4 fëmijë.

Fatma: Pra ty të teprojnë rreth 15 euro në muaj?

Marjana: Po çfarë të bëjmë, me pak para e shtyjmë. Këto janë punët e Zotit. Fëmija rrijnë vetëm, se unë duhet të shkoj në punë. Vajza shkon në kopësht dhe kur mbaron e marrin vajza

Elvisi: Marjana do të them diçka që më çudit. Ti e the vetë, shtëpia është diçka e jashtëzakonshme, njeriu punon të gjithë jetën dhe mund të mos e ketë. Familja juaj shikohet me prioritet për shkak të fatkeqësisë që ju ka ndodhur.  Marjana, çuditërisht, kur nisëm këtë emision dhe u bashkua me shqiptarët, një gjë shumë e vështirë si shtëpia, për të gjithë ne në mënyrë graduale, shtëpia u bë e lehtë. Ti ndaç besoje ose jo, ne sot do të ikim në shtëpi të re.

Marjana nuk e beson ende. Elvisi, Fatma, nëna e jetimët nisen të gjithë së bashku. Derën e hap Marjana dhe sheh se çfarë kanë bërë shqiptarët për të dhe jetimët e saj.

Ndiqni klipin e plote ketu

D8126125-3E20-4647-A3A2-91F43E5FAFD3

Lorenci niset në Itali për të mundur tumorin në kokë, momente përlotëse kur përqafohet me babanë

Përpara nisjes drejt Italisë, Lorenci shkon për një vizitë mjekësore.

Pas rrugëtimit të gjatë për në Tiranë, 9 vjeçari shkon në Spitalin Continental, ku i nënshtrohet një vizite për të parë gjendjen e tij të përgjithshme shëndetësore. Sipas mjekëve, djali është në gjendje të qëndrueshme për të mundur të udhëtojë drejt Italisë, atje ku e pret sprova e madhe, operimi që do ta shpëtojë nga tumori në kokë.

Pas një dite qëndrim në Continental, tashmë ka ardhur momenti i nisjes drejt Italisë. Në sytë e Lorencit gjen një mirazh qetësie. 9 vjeçari është në krahët e nënës së tij, por me siguri mendjen e tij e mundon e ardhmja e afërt. A do të dalë mirë? A do të mund të shpëtojë nga ky fat që për 5 vite ia ka mbështjellë jetën me mërzi, trishtim, lotë…

Në aeroport e pret babai. Ai do të qëndrojë në vend pasi i duhet të kujdeset për vajzat e gjithë të tjerat. Lorenci do të shkojë me të ëmën drejt Italisë dhe do duhet të ndahet me të atin. Me siguri një eksperiencë sërish e dhimbshme, pavarësisht se me dhimbjet Lorenci lufton prej 5 vitesh.

“Sot djali niset për në Itali. Është një ditë e veçanë për neve. Përshëndesim e falenderojmë të gjithë shqiptarët, që na ndihmuan, na e bënë ditën të lumtur. Zoti ua shpërbleftë të gjithëve, sepse për ne kjo është një jetë e dytë. Unë kam shumë shpresa që djali do të shërohet.

85A58C42-A8A4-48EF-84FC-566816EE31C1

Ana niset për kurim drejt Italisë !

Ana , vajza e vogel e cila u prezantua si rast te premten ne emisionin “Shqiptarët për Shqiptarët ” eshte nisur drejt Italise per tu kuruar .
Postimi i plote i Elvis Naçit ne Facebook :

-Lajm i Gezueshem. Ana u nis jasht shtetit per te bere operacionin e tumorit ne koke. Zoti ju shperblefte bamires. Kush shpeton nje jete, ka shpetuar gjithe njerzimin!

0F802BF8-F48F-4F60-BD31-925D20186DCF

Elvis Naçi viziton 3 vëllezërit e paralizuar dhe i jep lajmin e shumëpritur!

Elvis Naçi së bashku me stafin e Fondacionit Firdeus ka vizituar shtëpine e 3 vëllezërve të paralizuar . Gjendja e tyre siç shikohet edhe nga pamjet është shumë e rënduar pasi fëmijët nuk mund të bëjnë asgjë përveç se të zvarriten . Mjeket e Spitalit i kanë dhënë shpresë të 3 vëllezërve se mund të kurohen ndaj dhe Elvis Naçi shkoi që ti japë lajmin e madh !

Postimi i plotë i Elvis Naçit në Facebook :

-Nje lajm i mrekullueshem qe heret ne mengjes, sapo percollem 3 femijet e paralizuar te Familjes idrizi per ne Spital ku shpresojme do te sherohen, Zoti i shperblefte bamiresit dhe sa me shume lutje qe Femijet te sherohen. Amin, Amin, Amin.

Ndiq klipin e plotë

2E4F8B65-ACD5-4341-B954-538C5B82FA88

Lajm i mrekullueshëm ! Bona 3-vjeçare niset për kurim drejt Italisë.

Bona është vajza 3-vjeçare që u prezantua në emisionin “Shqiptarët Për Shqiptarët ” . Bona vuan nga tumori dhe vetëm në Itali mundësohet operacioni nga spitali “Bambino Gesu” për shërimin e Bonës. Thirrjes së Elvis Naçit Shqipëtarët ju përgjigjen në kohë rekord duke mbledhur në më pak se 2 ditë shumën prej 100.000 € .

Postimi i plotë i Elvis Naçit në Facebook :

-Lajm i mrekullueshem, Bona e vogel niset per operacionin e jetes ne Itali, Zoti i Gjithesise e sherofte sa me shpejte! Amin.

Ndiq klipin e plotë

A6D9A087-AF8C-41EB-9B8B-CCD66BD73A8F

Deani niset për kurim në Itali ! Elvis Naçi jep lajmin e shumëpritur .

Në emisionin “Shqiptarët Për Shqiptarët ” u paraqit rasti i Deanit 9 vjeçar i cili kishte probleme me veshkat dhe kishte kryer mbi 20 operacione . Deani kryente cdo dite dializë por mjeket thonin se vetem operacioni mund ta shpetojë .

Thirrjes së Elvis Naçit për të mbledhur shumën prej 105.000 € që duhej për të dërguar Deanin në Itali , Shqiptarët ju përgjigjën .

Shuma u mblodh dhe sot Deani u nis për në Itali .

Posti i plotë i Elvis Naçit në Facebook:

Emocionale! Mes mijera lutjeve tuaja drejtuar Zotit, Deani u nis sot per Itali. Nuk kam fjale edhe une kam lot gezimi kur shikoj qe Deanit iu hap nje drite shprese ne fund te dhimbjeve dhe loteve te tij. Sot bashkuam me te lot gezimi. Mos i ndaloni lutjet per Deanin, cdo Amin i juaj shkofte per suksesin ne operacionet qe e presin. Sa me shume lutje, sa me shume shperndarje, le te gezoje kushdo qe u prek, kushdo qe lotoi, kushdo qe dhuroi, kushdo qe u lut per Deanin.
FALEMINDERIT ZOT! 🤲

10DE3DC6-96CA-4D12-9875-6E34BC5562A5

Gëzuar muajin e bekuar të Ramazanit

Fondacioni Firdeus ju uron , Gëzuar muajin e shenjtë të Ramazanit 2021 !

Urojmë që në këtë muaj të mbizotëroj paqja , përkushtimi ndaj Zotit dhe solidariteti mes njerëzve .

Urojmë që Ramazani t’ju sjellë çdo të mirë në jetë , harmoni , mirëqenie dhe dashuri në familjet tuaja .

E lusim Zotin që të na e pranojë dhe të na e lehtësojë agjerimin , të pranojë lutjet dhe veprat tona!

Fondacioni Firdeus